MONUMENTOS

Á volta da saída á oficina de turismo, Paca e Calisto tiñan agochado na sua caixa un novo agasallo e con el un novo reto.

Un libro con fotos dos monumentos máis importantes de Viveiro!! Estivemos xogando a ver si coñeciamos o seu nome e fixémolo bastante ben! O reto consiste en localizar no rueiro todos eses monumentos, cada un co seu novo rero asociado. Conseguirémolo??

VISITAMOS A OFICINA DE TURISMO

 Seguindo a ruta marcada no noso rueiro chegamos sen problema á oficina de turismo da vila, xa que ese era o lugar que nos indicou a pirata Paca, coa sua última pista. Alí fomos recibidos por María e Mariña que nos falaron do se se fai alí así como das cousas tan bonitas que podemos ver e vivir en Viveiro. Ademáis nos fixeron entrega dun mapas cos cales imos poder seguir investigando neste proyecto que estamos iniciando: Vivarium, a historia da nosa Vila.

Proxecto Terra

 Despois de adiviñar de onde é o mapa o seguinte reto de Paca é buscar en que lugar de Viveiro podemos atopar esta imaxen.

UNHA CAIXA CHEA DE...

 

E hoxe ,cando chegamos á aula tiñamos esta caixa agardando por nós...nela estaban agochados Paca,a Pirata, en compaña de Calisto, o burro, que nos traía un agasallo moi especial, un mapa!! Agora, a nosa misión consiste en averiguar a que lugar pertence ese mapa. Aínda que xa tivemos unha hipótese acertada, toca momento de contrastar...

UNHA CAIXA CHEA DE...

 Comezamos o PDC de centro presentando unha caixa...

Pero desta volta a caixa viña baleira así que ideamos un xogo para buscarlle utilidade

 Cos ollos tapados e desprazándose lentamente pola aula un dos nenos/as quedou oculto pola caixa e o resto ao despatar os ollos tiveron que adiciñar de quen se trataba, parece unha tarefa fácil pero crédeme cando vos digo que non o foi...

BENVIDA AO CURSO DE 6º DE E.I.

 Queridas familias:

Quero agradecerlles a súa asistencia e participación na reunión de inicio de curso celebrada onte. Comezar este último ano da Educación Infantil sentindo o voso apoio e proximidade é o mellor punto de partida para garantir o benestar dos vosOS fillos e fillas.

Como comentamos, este curso é un ano precioso, cheo de retos, descubrimentos e maduración. É o peche dunha etapa máis vivencial e a ponte cara a Educación Primaria. O noso obxectivo común non debe ser acelerar os tempos nin meterlles presión, senón axudalos a medrar con seguridade, felicidade e autonomía.

Para que poidamos traballar en equipo desde o primeiro día, lémbrolles de xeito moi breve tres alicerces clave para o día a día:

• Autonomía: Axudémoslles en casa a facerse responsables das súas cousas (abrigos, mochilas, calzado). Deixemos que o intenten sós; facer as cousas por eles hoxe e restarlles seguridade para o mañá.

• Puntualidade: A xornada comeza na asemblea, un momento fundamental de linguaxe, rutinas e cohesión do grupo. A puntualidade axúdalles a entrar tranquilos e situados na aula-

• Lectura sen présas: como se describe no díptico que entreguei onte. Esquecín comentar que este curso, no programa de lectura e familias, tentaremos abordar a temática do ensino da lectoescritura dende o seno familiar, xa que é unha temática que cremos que en xeral vos xera incertidumbre e presión.

Comentarvos tamén que este curso escolar a escola vai participar nun programa de movilidade de profesorado Erasmus +, que non soen concedelo en escolas infantís e estamos moi contentas xa que nos permitirá viaxar a centros educativos doutros paises de europa para observar a sua metodoloxía de traballo, recursos, etc, co único afán de mellorar na nosa práctica educativa.

Estou á vosa total disposición para acompañar aos vosos pequenos nesta viaxe tan especial. Grazas de novo por formar parte deste equipo:

Uxía Quintela Díaz

Titora de 6º de Infantil