ORIENTACIÓN ESPACIAL

 

Nos xogos por recantos tratamos de propoñer sempre xogos e retos que estén relacionados co centro de interese que estemos traballando en cada momento. Esta semana na mesa de luz tocou colocar correctamente no espazo os diferentes bechiños.

PROXECRO ETWINNING: XOGUETES DE REFUGALLO

 Tedes ata o vindeiro mércores 29 para presentarnos os vosos xoguetes ideados en familia!! Recordade que estas actividades son voluntarias e o que buscamos e dar ideas para pasar tempo en familia e que teña unha repercusión pedagóxica, reforzando os contidos traballados na escola.

BONECOS CRECEPELO

 E por fin puidemos ver xomo lles crecía o pelo aos nosos bonecos. Tamén lle demos renda solta ás nosas dotes de perruqueirxs...agora só tedes que seguir dándolles os cuidados necesarios para que o pelo siga crecendo!!

TRABALLO POR EQUIPOS

 Aproveitando a ausencia de chuvia fixemos un xogo colaborativo por equipos, onde cada equipo tiña que atopar unha serie de obxectos e letras agochados polo patio, contar cantos tilas de cada un e sumalos, e coas letras compoñer unha palabra relacionada cos obxectos atopados. Para finalizar, tiveron que inventar unha historia tendo eses wlementos como fío condutor. Anotación: gústanlles as historias de terror...aí o deixo.

COMTACONTOS

 O venres acompañáronnos do centro de Alzheimer de Viveiro para falarnos un pouquiño desta enfermidade a través de dous contos marabillosos. Moitas gracias Rocío!!

CONTACONTOS POLO DÍA DO LIBRO

 O mércores, e para conmemorar tamén o día do libro, 23 de abril, contamos no centro con Electra, que nos contou un conto mooientretido, " A casiña das letras".

OBRADOIRO DE ALIMENTACIÓN SAUDABLE

 Esta semana tamén contamos cunha profesional da UDC que nos preparou un obradoiro moi dinámico e instructivo sobre como facer a compra máis saudable e respectuosa co medio ambiente.